Recollendo sinaturas en Change.org
O mar é un recurso público. Acceso a el en igualdade de condicións para todos
Agpesur
10/19/2024
No noso esforzo continuado por defender os dereitos dos pescadores submarinos en Galicia, puxemos en marcha unha recollida de sinaturas na plataforma Change.org. Este paso non só é simbólico, senón que é unha acción cun peso importante, xa que cada sinatura representa unha voz que demanda xustiza e equidade. Estas sinaturas non só serven de apoio ás nosas reivindicacións ante a administración, senón que tamén poden converterse nunha ferramenta fundamental se recurrimos a un xulgado.
A iniciativa nace do profundo descontento dun colectivo que leva anos sufrindo constantes agravios por normativas arbitrarias, como as restricións horarias, que carecen de xustificación técnica ou científica. Non somos un pequeno grupo nin unha minoría irrelevante. Somos un colectivo amplo, diverso e comprometido que demanda ser escoitado. Por iso, é fundamental a participación de cada persoa nesta recollida de sinaturas.
Cada sinatura é a proba da forza e da unidade dos que cremos nunha normativa xusta, libre de arbitrariedade e discriminación. Tamén é unha mensaxe clara para os que toman decisións: non somos "catro persoas sen importancia". Somos pescadores, familias, amigos e defensores dunha actividade sostible que valoramos e protexemos.
Participar nesta recollida de sinaturas non é só un xesto de apoio, senón un acto de unión. Xuntos construímos unha voz colectiva que teña o poder de marcar a diferenza.
Convidamos a todos, pescadores submarinos, amantes do mar e cidadáns que cren na equidade, a sumarse a esta causa. Porque cada sinatura conta, porque xuntos somos máis fortes, e porque o cambio só se consegue cando todos sumamos a nosa voz.
Grazas a todos os que xa asinastes e aos que o farán.
