Agpesur aparece en máis medios
Novidades en Infomiño, Diariomarítimo e Amarinaxa
1/16/2025
Nos últimos días saímos en medios como Diario Marítimo, AMariñaXa ou Infomiño, que deron voz á nosa loita por unha normativa máis xusta e sostible para a pesca submarina en Galicia.
Estes medios destacan a nosa recente iniciativa de presentar máis de 4.500 sinaturas á Xunta de Galicia, reclamando cambios nas restricións que nos limitan a exercer a nosa actividade de forma arbitraria coa ausencia de estudos que as avalen. Defendemos publicamente que esta normativa é discriminatoria e non reflicte o carácter sostible e tradicional da pesca submarina.
Grazas a esta visibilidade, a nosa causa está chegando a máis xente, xerando un debate necesario sobre a importancia de compatibilizar as nosas actividades sostibles coa conservación do medio mariño e a equidade normativa.
Queremos agradecer a Diario Marítimo, AMariñaXa e Infomiño por axudarnos a levar máis lonxe a nosa mensaxe.